असहाय नागरिकले मुद्दा जिते मात्रै वकिललाई पारिश्रमिक दिने कानुनी व्यवस्था गर्नुपर्छ : सांसद गौतम
काठमाडौँ — राष्ट्रिय स्वतन्त्र पार्टीकी सांसद सोबिता गौतमले पैसा नहुनेहरूका पक्षबाट मुद्दाको बहस गर्ने कानुन व्यवसायीले जितेमात्र पारिश्रमिक लिने कानुनी प्रावधान राख्नुपर्ने धारणा राखेकी छन् ।
नेपाल कानुन व्यवसायी परिषद् (दोस्रो संशोधन) विधेयकमाथि प्रतिनिधिसभाको कानुन, न्याय तथा मानव अधिकार समितिको सोमबारको बैठकमा सांसद गौतमले उक्त कुरा बताएकी हुन् ।
आर्थिक अभावको कारणले धेरै नागरिकले न्याय नपाएको बताउँदै सांसद गौतमले आर्थिक अवस्था कमजोर भएका व्यक्तिको मुद्दा लड्दा जितेको खण्डमा कानुन व्यवसायीले पारिश्रमिक पाउने कानुनी व्यवस्थता गर्नुपर्ने बताएकी हुन् ।